17 projekte aktive të financuara nga USAID në Kosovë do të preken nga urdhri i presidentin të SHBA-së, Donald Trump për ndalimin e përkohshëm të ndihmës së huaj për 90 ditë.
Kështu ka bërë të ditur Instituti GAP në Prishtinë.
“Urdhri i Presidentit të SHBA për ndalimin e përkohshëm të ndihmës së huaj për 90 ditë, në Kosovë i ndikon rreth 17 projekte aktive të financuara nga USAID që japin kontribut të rëndësishëm në zhvillimin e vendit”, thuhet nga GAP.
Sipas tyre disa projekte që do të preken nga ky vendim kanë filluar para pandemisë dhe zbatoheshin nga kompani amerikane.
“Disa prej tyre kanë filluar që para pandemisë dhe shumica prej tyre zbatohen nga kompani amerikane e disa më të vogla nga organizata vendore. Përfituesit kryesorë përfshijnë institucione publike si komunat, ministritë, agjencitë e pavarura, universitetet, gjykatat, e po ashtu mediat, sektorin privat dhe organizatat e shoqërisë civile”, thuhet nga GAP.
