Situatë vërtet e komplikuar në shtëpinë e kampionëve të Francës.
Largimi i Pochettinos dhe zyrtarizimi i Galtier nuk ka ndryshuar asgjë në marrëdhënien Mbappe-Neymar.
Francezi, i cili tani ka dhe një “dorë” në ndërtimin apo funksionimin e skuadrës, kërkon largimin e brazilianit nga skuadra.
Raportet e të dy lojtarëve janë “krisur” prej kohësh, por kjo situatë mund t’i kushtojë shumë parizienëve.
Tani, mediet franceze raportojnë për një “luftë” në tre fronte.
Mbappe nuk e do më në skuadër Neymar, por Messi dëshiron që sulmuesi brazilian të qëndrojë.
Drejtuesit, por edhe vetë Galtier janë në “hall” pasi një largim i Neymar mund të pasohej edhe me një “revoltë” nga ana e argjentinasit.
Në Francë janë të bindur se zyrtarizimi i trajnerit francez i ka dhënë akoma edhe më shumë “fuqi” Mbappe-s, i cili kërkon ta përdor kundër Neymar, me këtë të fundit që ka përfunduar në merkato dhe PSG është e hapur për të dëgjuar ofertat në drejtim të tij.
Në krahun tjetër rrezikon shumë pasi Messi ka hyrë në vitin e fundit të kontratës dhe tani gjithçka është shumë e paqartë në “shtëpinë” e parizienëve.
