Galatasaray ka kaluar në gjysmëfinale të Kupës së Turqisë, pasi të mërkurën mbrëma e mposhti Fenerbahçen 2:1.
Por si çdo tjetër derbi i zjarrtë i Stambollit, edhe ai i së mërkurës nuk ishte i qetë.
Pati tensione në fundin e ndeshjes, ndërsa tre lojtarë që nuk ishin në fushë, u përjashtuan direkt me të kuq nga gjyqtari kryesor i ndeshjes.
Tensionet që nisën ndërmjet dy skuadrave në bankat e rezervistëve, u vazhduan edhe në fushë nga lojtarët e të dyja ekipeve.
Mert Yandas te vendësit dhe Baris Alper Yilmaz e Kerem Demirbay, u ndëshkuan direkt me të kuq.
Përveç kartonëve të kuq, gjyqtari kryesor ndau pesë kartonë të verdhë për lojtarët e Fenerbahçes dhe pesë për ata të Galatasarayt.
Galatasaray fitoi ndaj skuadrës së udhëhequr nga Jose Mourinho dhe në gjysmëfinale do të luajë kundër Konyasporit.
Victor Osimhen i shënoi të dy golat për Galatasarayn, ndërsa Sebastian Szymanski realizoi për vendësit. Të gjitha golat u shënuan në pjesën e parë.
Numri i zyrtarëve policorë të angazhuar për këtë derbi ishte 30 mijë e 199.
