Në pikën kufitare në Bërnjak u arrestua më 19 korrik.
Ndihmësdrejtori i Zyrës për Kosovën në Qeverinë e Serbisë, Igor Popoviq, u kap nga autoritetet kosovare një ditë pasi i njëjti kishte mbajtur një fjalim në Rahovec, ku kishte fyer Ushtrinë Çlirimtare të Kosovës.
Për këtë çështje, Prokuroria Speciale ngriti aktakuzë ndaj zyrtarit të qeverisë serbe për nxitje të përçarjes dhe mosdurimit mes grupeve etnike.
Fajin për këtë akuzë, Popoviq e pranoi me ç’rast arritën marrëveshje me prokurorinë.
Në bazë të kësaj marrëveshje, Prokuroria propozoi edhe dënimin ndaj Popoviqit.
Sikurse ishin pajtuar palët në marrëveshjen për pranimin e fajësisë, i njëjtë ishte edhe vendimi i Gjykatës Themelore në Prishtinë.
Igor Popoviq, nuk ishte prezent në sallë gjatë shpalljes së aktgjykimit.
