Federata e Xhudos e Kosovës, nga 17 deri më 23 shkurt 2025, në Qendrën Nacionale të Xhudos në Pejë, po mban trajnimin për trajnerë për zhvillimin e kapaciteteve të tyre, si pjesë e programit shtetëror “Kosova, Shtet i Xhudos”. Ky trajnim po udhëhiqet nga trajneri Pedro Guedes.
Trajnimi i trajnerëve synon të forcojë njohuritë teknike dhe metodologjike të tyre, duke përfshirë metodat më të fundit në teknikat e xhudos, strategjitë e trajnimit dhe qasjet moderne për zhvillimin e sportistëve të të gjitha moshave.
Pjesë e programit janë sesionet praktike dhe teorike që do të mundësojnë përmirësimin e aftësive të trajnerëve dhe ngritjen e cilësisë së xhudos në të gjitha nivelet.
Ky program është i mbështetur nga Ministria e Kulturës, Rinisë dhe Sportit
