FC Policia po debuton furishëm në Ligën e Parë të Kosovës në futsall.
Në pesë ndeshje të luajtura deri më tani, FC Policia ka regjistruar po aq fitore, të fundit kundër FC Komoranit.
Në ndeshjen e luajtur në Drenas, FC Policia triumfoi me rezultatin 4:2 ndaj FC Komoranit për të vazhduar me formën e mirë që e ka treguar prej fillimit të sezonit.
“Në një përballje me intensitet dhe kualitet të lartë, futbollistët e Policisë dëshmuan përkushtim, disiplinë dhe shpirt të fortë gare, duke luftuar pa kompromis për fitore. Urime djemve për këtë sukses të radhës!”, ka shkruar FC Policia.
Krahas rezultateve të mira në Ligën e Parë të futsallit, Policia po paraqitet këtë sezon me mjaft sukses edhe në Ligën e dytë të basketbollit.
