Futbollistet e Kombëtares së Kosovës, të martën kanë nisur grumbullimin katërditor nën drejtimin e selektorit të ri, Sami Sermaxhaj.
Ky grumbullim po mbahet në kampin nacional të FFK-së, në Hajvali dhe do të zgjasë katër ditë kurse ka për qëllim përgatitjen e ekipit për turneun ndërkombëtar që zhvillohet muajin tjetër në Egjipt.
Gjatë këtij kampi stërvitor, futbollistet e ekipit A të Kosovës do të zhvillojnë edhe ndeshje kontrolluese, ku të premten do të përballen me Kosovën U19.
Ky grumbullim, gjithashtu është edhe një mundësi e mirë për trajnerin Sermaxhaj për të krijuar lidhje më të fortë me lojtaret në mënyrë që të kenë paraqitje sa më të mira në ndeshjet e ardhshme.
Sermaxhaj, të hënën mbrëma ka marrë detyrën e selektorit të ekipit A të femrave dhe do të mundohet që ta përgatit sa më mirë për muajin tjetër.
Futbollistet e Kosovës në turneun ndërkombëtar, ndërsa janë në të njëjtin grup me Argjentinën, Brazilin dhe Egjiptin.
Për selektorin Sermaxhaj, ky turne është i mirëseardhur pasi synon që ta përgatit ekipin sa më mirë për kualifikimet e ardhshme.
Për këtë grumbullim kanë folur edhe futbollistet, të cilat janë shprehur të kënaqura me punën e selektorit të ri.
Sermaxhaj në këtë post ka zëvendësuar suedezen Karin Anneli Andersen që ishte në këtë post prej vitit 2022.
