Bota është tronditur nga skena para fillimit të ndeshjes gjysmëfinale të Kupës së Afrikës, turne që po mbahet në Bregun e Fildishtë.
Futbollistët e Republikës Demokratike të Kongos e shfrytëzuan këtë gjysmëfinale që nga stadiumi të japin një mesazh të fuqishëm politik, duke protestuar kundër dhunës dhe vrasjeve që po ndodhin në vendin e tyre.
Futbollistët e Republikës së Kongos, gjatë lëshimit të himnit para ndeshjes me Bregun e Fildishtë, e mbuluan gojën me njërën dorë kurse dorën tjetër e drejtuan në kokë sikur “pistoletë” për ta dhënë mesazhin e fuqishëm.
Kongo u mposht 1:0 nga Bregu i Fildishtë dhe u eliminua në gjysmëfinale të Kupës së Afrikës, por të gjithë po flasin për mesazhin e futbollistëve para ndeshjes.
Njerëzit në Republikën Demokratike të Kongos kanë vuajtur shumë për dekada, dhe kohët e fundit konfliktet më të këqija janë në pjesën lindore të vendit midis ushtrisë së rregullt dhe paraushtarakëve rebelë. Për shkak të përshkallëzimit të konfliktit, rreth 1.5 milionë njerëz u detyruan të largoheshin nga zona, ndërsa qindra mijëra prej tyre vdiqën.
Dueli mes Kongos dhe Bregut të Fildishtë, u zhvillua të mërkurën mbrëma.
