Nuk ka pushim për Superligën e Kosovës në futboll, e cila rikthehet këtë mesjavë me me ndeshjet e xhiros së 11-të, që do të zhvillohen përgjatë tri ditëve.
Në Suharekë, do të luhet ndeshja që do ta hap këtë xhiro, ku kampioni në fuqi, Ballkani e pret skuadrën e Ballkanit.
Kjo përballje luhet të martën prej orës 13:00 dhe është njëra prej ndeshjeve më interesante të kësaj xhiroje.
Ballkani që është lider i Superligës me 18 pikë të mbledhura, në duelin kundër Gjilanit futet pas barazimit pa gola xhiron e shkuar në Klinë kundër skuadrës së Dukagjinit.
Në anën tjetër, Gjilani është i motivuar pas fitores me përmbysje të rezultatit ndaj Llapit, ndërsa ka 6 pikë më pak se Ballkani dhe zë vendin e tetë në tabelë.
Në ndeshjen e parë të këtij sezoni të luajtur në Gjilan, këto dy skuadra kanë luajtur baras 1:1.
Ky është edhe dueli i vetëm i xhiros së 11-të që luhet të martën, pasi ndeshjet tjera do të luhen të mërkurën dhe të enjten, po ashtu prej orës 13:00.
Të mërkurën, luhen ndeshjet Dukagjini – Suhareka dhe Llapi – Feronikeli ’74, ndërsa të enjten përballen Ferizaj – Malisheva e Drita – Prishtina.
