Superliga e Kosovës në futboll, do të vazhdojë edhe këtë javë, përpara se të shkojë në pushim të detyruar për shkak të ndeshjeve të kombëtareve.
Megjithatë, këtë javë, do të zhvillohen dy xhiro në kuadër të elitës së futbollit kosovar.
Xhiro e 25-të e Superligës, do të luhet të martën dhe mërkurën kurse xhiro e 26-të, përgjatë vikendit.
Dy ndeshje do të luhen të martën dhe tri tjera të mërkurën për ta përmbyllur xhiron e 25-të, e cila do të ketë përballje interesante.
Të martën nga ora 13:00, do të zhvillohen ndeshjet: Ferizaj – Prishtina dhe Drenica – Malisheva.
Ndërkohë, të mërkurën, gjithashtu prej orës 13:00, do të luhen përballjet: Llapi – Gjilani, Drita – Dukagjini dhe Prishtina e Re – Ballkani.
Pas 24 xhirove të zhvilluara, në dy vendet e para në tabelë janë Ballkani dhe Drita, që kanë tubuar nga 42 pikë.
