Liga e Parë e Kosovës në futboll, do të vazhdojë me duelet e xhiros së gjashtë, të cilat do të luhen ditën e shtunë.
Edhe kjo xhiro pritet të jetë interesante, me ndeshje të forta, por të cilat do të luhen më një orar tjetër.
Të gjitha, nëntë ndeshjet e kësaj xhiroje do të startojnë nga ora 15:00 kurse vëmendja do të jetë në Vushtrri dhe Prishtinë.
Dueli mes Vushtrrisë dhe Lirisë, vlerësohet si derbi kryesor i kësaj xhiroje, ku spikat edhe ndeshja ndërmjet Ramiz Sadikut e Vëllaznimit.
Ndërkohë, çiftet tjera të xhiros së gjashtë, janë: Trepça ‘ 89 – Vjosa, KEK- u – Tefik Çanga, Feronikeli ’74 – Rilindja, 2 Korriku – Dinamo, Istogu –Suhareka, Prizreni – Kika dhe Trepça – Besa.
Aktualisht, Vëllaznimi prinë në tabelë me 13 pikë të mbledhura, dy më shumë se Vushtrria që renditet e dytë kurse Liria, Tefik Çanga e Feronikeli kanë nga 10 pikë.
