Një ndërtesë në lagjen “Kalabria” në Prishtinë është përfshirë nga zjarri gjatë ditës së enjte.
E për këtë, drejtori për Siguri dhe Emergjenca në Prishtinë, Lulzim Fushtica ka deklaruar se dëmet janë të mëdha, por ende nuk dihet shkaktari i zjarrit.
Fushtica ka bërë të ditur se kati nën kulm dhe kati i dhjetë i banesave janë dëmtuar nga zjarri.
“Për momentin e ekipet e krim teknikës, po ashtu edhe Inspektori i Hetimit të Zjarrit dhe Inspektorët e emergjencave janë në vendin e ngjarjes me vendim të Prokurorit janë duke bërë hetimin e shkaktarit të zjarrit dhe Inspektorët e Emergjencave janë në vendin e ngjarjes me vendim të prokurorit, kanë filluar hetimin e shkaktarit të zjarrit. Ende shkaktari nuk dihet është shumë herët, mirëpo si e pamë në vlerësimin e parë dëmet janë shumë të mëdha, nuk kemi asnjë dyshim në këtë fazë është herët të flitet. Për momentin janë kati nën kulm dhe kati i dhjetë që banesat janë dëmtuar”, ka deklaruar Fushtica./teve1.info/
