Autori: Jona Kelmendi
Është hapësirë e dedikuar për këmbësorë.
Por, deri të martën trotuari u shfrytëzua nga ky biznes në rrugën “Dardania” në Fushë Kosovë.
E veprimet e tilla, vunë në lëvizje këtë javë Inspektoratin Komunal të Fushë Kosovës.
Këta cak kishin hapësirat e uzurpuara publike.
Këtë fat e kishte, edhe biznesi i Suad Avdiut.
Pavarësisht që iu largua tarraca, Avdiua po e quan vendim të duhur.
“Edhe na e kemi pas tarraca, por ajo hapësirë e uzurpuar është ashtu, por si do që të jetë mirë është që është liru, shpresoj që ka mu bo ma mirë se qysh është kon. Na aty nuk është që kemi pagu najsen për ato faleminderit që na kan lon deri në atë kohë”, është shprehur Avdiu.
Por, edhe më shumë këtij aksioni, iu gëzuan qytetarët e Fushë Kosovës.
“Hapsira është kon e ngushtë pa parkinge, qytetarët u duhej të ecnin nëpër rrugë për me kalu, kanë njerëzit fëmijë me kolica, njerëz të sëmurë me kolic, e nëse vazhdohet kështu rregullohet çdo gjë” u shpreh një banore.
“Hapësirat që do të lirohen, është një epërsi shumë e madhe të cilët do të lejohen që të lëvizin lirshëm edhe nënat me fëmijë edhe gjithë ata të tjerët që kan mundësi të kalojnë këtë hapësirë do të ken qasje me të mirë edhe me të këndshme” ka thënë një banor tjetër.
E në Inspektoratin komunal të kësaj komune, aksionin po e cilësojnë si të domosdoshëm.
“Inspektorët kanë dal në teren me qëllimin e hapësirave publike komuna e Fushë Kosovës në të kalumen e ka pas një kontratë për një operator me rrenim të disa objekteve pa leje mirëpo nëse kontrata është shpenzu ne po i presim procedurat e prokurorimit, që të kontraktojmë një kompani tjetër dhe të vazhdohet me aksionin që ka nis më herët, lirimi i hapësirave publike është i domosdoshëm sidomos në pjesën e qytetit por duke mos përjashtua as zonat e tjera të qytetit ku janë zënë ato”, ka thënë Hajra.
Sipas Hajrës ky aksion nuk do të përfundoj pa u liruar të gjitha hapësirat publike.
