Kompania Rajonale e Ujësjellësit “Prishtina” ka njoftuar se furnizimi me ujë në Fushë-Kosovë do të ndërpritet për një orë, për shkak të një rrjedhjeje në gypin Ø400 mm.
Në njoftim theksohet se ndërprerja do të bëhet nga fabrika Shkabaj, përmes gypit Ø630 mm që furnizon qytetin e Fushë Kosovës.
KRU “Prishtina” shpreson që ndërhyrja të përfundojë sa më shpejt dhe furnizimi të rikthehet në normalitet.
“Njoftim për konsumatorët e Fushë Kosovës. Për shkak të një rrjedhjeje në gypin Ø400 mm, është e nevojshme të ndërpritet për një orë furnizimi me ujë nga fabrika Shkabaj përmes gypit Ø630 mm që furnizon qytetin e Fushë Kosovës. Shpresojmë që ndërhyrja të përfundojë sa më shpejt”, thuhet në njoftim./teve1.info/
