“Ndalni fondet për këtë gjykatë! E gjithë kjo është politikë. Miliarda janë shpenzuar dhe shpërdoruar”
Ky është deklarimi i fundit nga emisari i posaçëm i ShBA-së për misione të veçanta, Riçard Grenell, për Gjykatën Speciale në Hagë.
Grenell në vazhdimësi ka shpërndarë mesazhe kundër Gjykatës.
Kjo edhe për faktin, se Prokurori i njëjtë i cili e ka ngritur aktakuzën kundër ish-krerëve të UÇK-së, Jack Smith, ka realizuar gjithashtu dy hetime federale kundër Presidentit të tanishëm të Shteteve të Bashkuara të Amerikës, Donald Trump.
“Është një rreze shprese që ajo Gjykatë të pushojë së ekzistuari. Megjithatë, duke e njohur themelimin e saj, duke e njohur faktin se vet organet e Kosovës e kanë kërkuar themelimin e asaj Gjykate, jam skeptike se ajo do të zhbëhet…. Kam skepticizëm për aryse se aty janë të involvuar edhe shtetet evropiane”, ka vlerësuar avokatja Fehmije Gashi – Bytyqi.
Megjithatë, fuqia juridike e këtyre deklarimeve, sipas avokatit Kadri Osaj, është në pikëpyetje.
“Deklarimet e tillë në rrjete sociale, duhet të analizohen në aspektin e kompetencës, për faktin se ne nuk e dijmë se Grenelli a është kompetentë për të deklarohet në këtë mënyrë nga administrata Trump, apo është vetëm një deklarim në rrjete sociale i cili nuk ka kurfarë fuqie juridike”, thotë ai.
Financuesi kryesor i Gjykatës Speciale është Bashkimi Evropian.
Megjithatë, gjykata financiohet edhe nga shtetet e treta kontribuese, si SHBA-ja, Kanadaja, Norvegjia, Zvicra dhe Turqia.
Nga raportet vjetore publike të Gjykatës, Shtetet e Bashkuara të Amerikës kryesisht kontribuojnë në financimin e një pjesë të punonjësve, në mesin e tyre gjyqtar dhe prokurorë, përfshirë këtu edhe kryeprokuroren e tanishme, Kimberly Ëest, si dhe nënkryetarin e gjykatës, Charles Smith.
Smith është gjithashtu gjykatësi kryesor në rastin më të madh, atë kundër ish-krerëve të UÇK-së.
