Nga sot secili qytetarët mund të dorëzojë materiale të mbledhura mbi krimet e ndodhura gjatë luftës së fundit në Kosovë në Institutin e Krimeve të Kryera.
Kështu ka bërë të ditur kryeministri i Kosovës, Albin Kurti, në ceremoninë ku sot u bë dorëzim-pranimi i dokumenteve të para.
“Për dokumentimin e krimeve të luftës, krimeve kundër njerëzimit dhe veprimeve gjenocidale të Serbisë kemi themeluar Institutin e Krimeve të Kryera gjatë luftës në Kosovë. Krahas institucioneve shtetërore, nga sot dokumentuesit dhe hulumtuesit e pavarur, shoqëria civile, ekspertët e jashtëm”, deklaroi Kurti.
Kurti tha se dokumentimi i krimeve të luftës ndihmon në parandalimin e përsëritjes së tyre në të ardhmen.
“Këto materiale do të arkivohen, do t’i shërbejnë institutit në hulumtimin e krimeve të kryera gjatë luftës. Që sot ju ftoj të bashkoheni në këtë nismë. Mediat, gazetarët e qytetarët kanë institutin që i pret materialet e dëshmitë e mbledhura”, tha Kurti mes tjerash./teve1.info/
