Por në fakt karkalecat Mantis njihen si të dhunshëm dhe vdekjeprurës për shkak të mekanizmit të tyre unik mbrojtës.
Mantis mbajnë rekordin për kafshën me grushtin më të shpejtë dhe më të fuqishëm në mbarë botën.
Ata kanë një nga lëvizjet më të shpejta të gjymtyrëve, duke goditur me rreth 50 milje në orë. Kjo shpejtësi është më e madhe se e një plumbi kalibër 22!
Grushti i tyre jep rreth 160 paund forcë, e cila është mjaft e fortë për të thyer xhamin .
Goditja e karkalecave mantis gjeneron aq shumë nxehtësi sa mund të vlojë ujin rreth tyre. Për një moment të shkurtër, uji përreth arrin temperatura ekuivalente me sipërfaqen e Diellit. Kjo gjithashtu shkakton ndezje të vogla drite që lëshohen pas goditjes.
Përveç të qenurit agresiv, karkalecat mantis kanë edhe një anë romantike. Shumica prej tyre njihen si monogame, duke qëndruar me vetëm një partner deri në 20 vjet.
Sytë e karkalecave mantis janë tepër kompleks pasi që i lejojnë ata të shohin një shumëllojshmëri ngjyrash, duke përfshirë gjatësitë e valëve të dritës në spektrin ultravjollcë.
Sytë e tyre gjithashtu lëvizin në mënyrë të pavarur, duke i bërë ata të shohin dhe të reagojnë më shpejt, gjë që i bën ata grabitqarë të shkëlqyer.
Nuk preferohet të mbahen në shtëpi sepse aftësitë e tyre grushtuese i lejojnë ata të çajnë ose thyejnë me lehtësi xhamat e akuariumit. Për më tepër, ju duhet t’i mbani ata vetëm ,përndryshe mund të sulmojnë peshq ose kafshë të tjera në habitatin e tyre.
Për shkak të biologjisë së tyre të çuditshme por shumë frymëzuese shkencëtarët i emëruan Mantis si “karkaleca nga Marsi”.
Ky shkrim është përgatitur nga redaksia e emisionit “True” e Tëvë1
