Sulmuesi i Shqipërisë, Armando Broja do të largohet përfundimisht nga skuadra e Chelseat dhe atë në orët e fundit të afatit kalimtar të janarit, i cili në Angli mbyllet në orën 23:00.
Mediumet britanike kanë raportuar se Broja do ti bashkohet skuadrës së Fulhamit. Në fakt, ai te Fulhami do të huazohet deri në fund të edicionit, ndërsa Chelsea do të përfitojë katër milionë funte për këtë huazim.
Në garë për Brojën ishte edhe skuadra e Ëolverhamptonit, e cila është tërhequr në momentin e fundit për shkak të kërkesave të larta të Chelseat. 22-vjeçari këtë edicion ka dy gola e po aq asistime në të gjitha garat për Chelsean, ekip me të cilin ka kontratë deri në vitin 2028.
