Forca e Sigurisë së Kosovës (FSK), është në përgatitjet përfundimtare për pjesëmarrje në garën ndërkombëtare ushtarake “Cambrian Patrol”, e cila zhvillohet në Uells të Mbretërisë së Bashkuar.
FSK përmes një njoftimi thotë se Forca edhe këtë vit do të përfaqësojë Kosovën në këtë aktivitet prestigjioz.
Në kuadër të përgatitjeve, ekipit kosovar i është bashkuar edhe një ekip nga Forcat e Armatosura të Shqipërisë, me të cilët po realizohen stërvitje me skenarë të ngjashëm me ata që priten gjatë garës.
Ky ushtrim vlerësohet si një mundësi e rëndësishme për rritjen e bashkëpunimit me ushtrinë britanike dhe ushtritë partnere nga vende të ndryshme të botës, si dhe për zhvillimin e shkathtësive individuale dhe grupore të ushtarakëve të FSK-së.
