Forca e Sigurisë së Kosovës (FSK) ka realizuar kursin “Combat Life Saver” në Qendrën e Trajnimeve të Regjimentit të Mjekësisë pranë Komandës së Logjistikës.
Sipas njoftimit zyrtar, ky kurs ka për qëllim pajisjen e personelit ushtarak me njohuri dhe aftësi bazike e të avancuara mjekësore për të ofruar kujdes urgjent në fushëbetejë, në përputhje me standardet e NATO-s.
“Ky trajnim synon rritjen e mbijetesës së të plagosurve përmes menaxhimit të traumave, kontrollit të gjakderdhjes, ruajtjes së rrugëve të frymëmarrjes, stabilizimit të gjendjes së pacientit dhe përgatitjes për evakuim mjekësor, duke siguruar ndërhyrje të koordinuar dhe të standardizuar sipas protokolleve taktike të kujdesit para-spitalor”, thuhet në njoftim. /teve1.info/
