Forca e Sigurisë së Kosovës (FSK) ka bërë të ditur se nga data 31 gusht deri më 5 shtator 2025 do të zhvillojë ushtrimin fushor me emrin “Ujku Shigjetë”, në kuadër të përgatitjeve për validimin e Regjimentit të Tretë.
Gjatë kësaj periudhe, priten lëvizje të konvojeve ushtarake nga vendbanimet e FSK-së drejt rajonit të Gjakovës, duke përfshirë Aeroportin e Gjakovës dhe Poligonin ushtarak në Babaj të Bokës.
Në njoftimin zyrtar, FSK kërkon mirëkuptim nga qytetarët për lëvizjet që do të kryhen:
“E gjithë kjo lëvizje do bëhet me qëllim të realizimit të ushtrimit, andaj kërkojmë mirëkuptim nga qytetarët,” thuhet në komunikatën e forcës.
Qytetarët janë të këshilluar të jenë të kujdesshëm dhe të respektojnë sinjalizimet dhe udhëzimet gjatë kohës së ushtrimit.
