Forca e Sigurisë së Kosovës ka pranuar sot tre kamionë të autoshkollës nga Gjermania në vlerë prej 405 mijë eurosh.
Lajmin e ka bërë të ditur, ministri i Mbrojtjes, Armend Mehaj përmes një postimi në Facebook, teksa ka thënë se përmes këtyre automjeteve do të lehtësohet zhvillimi i orëve praktike për ushtarët, raporton teve1.info
Mehaj tutje ka njoftuar se e ka falënderuar zëvendës ambasadorin e Gjermanisë në Kosovë, Mathias Conrad për mbështetjen e vazhdueshme.
‘Sot në Komandën e Doktrinës dhe Stërvitjes pranuam tre kamionë të autoshkollës në vlerë prej 405.000€ si donacion nga Gjermania, duke lehtësuar kësisoj përmes këtyre automjeteve zhvillimin e orëve praktike për ushtarakët të cilët janë në proces të licensimit për kategorinë C’, ka shkruar Mehaj.
‘Me këtë rast, në ceremoninë e pranim-dorëzimit falenderova zëvendës ambasadorin e Gjermanisë në Republikës e Kosovës, z. Mathias Conrad, për mbështetjen e vazhdueshme që shteti gjerman ofron për Forcën e Sigurisë së Kosovës dhe shtetin tonë”, përfundoi ai./teve1.info
