Kontingjeti i FSK-së, nga Regjimenti i tretë i Këmbësorisë i është bashkuar 43 shteteve që po marrin pjesë në njërin nga ushtrimet më të mëdha, i cili realizohet në Izmir të Turqisë dhe udhëhiqet nga Armata Egjeane turke.
Përmes një njoftimi është bërë e ditur se ushtrimi ka për qëllim prezantimin e aftësive dhe kapaciteteve të forcave pjesëmarrëse të shteteve të ndryshme.
“Ushtrimi ka për qëllimi prezantimin e aftësive dhe kapaciteteve të forcave pjesëmarrëse të shteteve të ndryshme të koordinuara dhe harmonizuara për misione të përbashkëta paqësore dhe ndërrueshmërinë në mes tyre”, thuhet në njoftim./teve1.info/
