Forca e Sigurisë së Kosovës i është bashkuar kërkimeve për gjetjen e personit që u hodh nga ura e Liqenit të Ujmanit.
Siç shihet nga pamjet e Tëvë1, FSK kanë hyrë në veri të shoqëruar nga trupat amerikane.
Hyrja e FSK në veri të vendit nuk mund të bëhet pa leje të NATO-s sipas marrëveshjes që kishte bërë ish-kryeministri Hashim Thaçi në vitin 2013 me NATO-n.
Që nga e diela ekipet e shpëtimit janë në kërkim të trupit të një personi i cili ra në Liqenin e Ujmanit dhe nuk kishte dalë më nga uji.
