Nënkoloneli, Gezim Sada ka diplomuar me sukses në Kolegjin e Luftës të Ushtrisë së Shteteve të Bashkuara të Amerikës.
Gjatë një viti studimesh të përkushtuara, Nënkolonel Sada jo vetëm që përfundoi me sukses programin, por diplomoi njëkohësisht edhe në nivelin Master në Studime Strategjike.
Sipas njoftimit të FSK-së, kolegji i Luftës i Ushtrisë Amerikane ka për mision përgatitjen e udhëheqësve ushtarakë dhe civilë për sfidat strategjike të sigurisë globale, duke u fokusuar në përdorimin e fuqisë tokësore luftarake, politikat kombëtare të sigurisë dhe planifikimin afatgjatë.
“Ky sukses i Nënkolonel Sadës përfaqëson një tjetër hap përpara në profesionalizimin e kuadrove të FSK-së dhe është dëshmi e përkushtimit të vazhdueshëm për ngritjen e kapaciteteve të saj. Forca e Sigurisë së Kosovës shpreh mirënjohje të veçantë për partnerin strategjik, Shtetet e Bashkuara të Amerikës, për mbështetjen e vazhdueshme në zhvillimin profesional dhe institucional të FSK-së në të gjitha fushat”, thuhet në njoftim./teve1.info/
