Federata e Futbollit të Shqipërisë (FSHF), ka dalë me sqarim për sistemin e ri të shitjes së biletave për ndeshjet e Kombëtares, vendim ky që ka thënë se synon të siguroj barazoj dhe gjithëpërfshirjre për të gjithë tifozët shqiptarë.
Tifo-grupi zyrtar i Shqpiërisë, Tifozat Kuq e Zi ishin të parët që reaguan pasi FSHF-ja nuk kishte ndarë bileta për ta ashtu siç ka ndarë në të kaluarën.
FSHF ka thënë se në përputhje me praktikat më të mira evropiane, ka vendosur që të gjitha biletat të shiten online dhe çdo person të ketë mundësinë të blejë maksimumi 4 bileta.
“Për shumë vite, grupe të ndryshme tifozerike kanë pasur mundësinë të sigurojnë bileta të rezervuara nga FSHF. Megjithatë, me rritjen e kërkesës për bileta dhe dëshirën për të krijuar një qasje më të hapur për të gjithë tifozët shqiptarë, është vendosur që nga tani e tutje biletat të jenë të aksesueshme përmes një procesi të drejtë dhe transparent”, ka shkruar FSHF.
FSHF ka insistuar se vlerëson dhe respekton të gjithë ata që kanë mbështetur Kombëtaren ndër vite dhe beson se tifozëria shqiptare, do të vazhdojë të krijojë atmosferën e zjarrtë në ndeshjet e Kombëtares.
Sipas federatës, ky vendim nuk synon përjashtimin e askujt, por garanton mundësi për të gjithë tifozët që duan të jenë pjesë e spektaklit të Kombëtares.
