Trajneri nga Brazili, Sylvinho edhe zyrtarisht ka rinovuar kontratën me Federatën Shqiptare të Futbollit (FSHF).
Me rinovimin e kontratës, Sylvinho do të jetë në krye të Kombëtares së Shqipërisë deri në dhjetor të vitit 2025, ku menjëherë do ta filloj punën e tij për Ligën e Kombeve dhe kualifikimet për Botërorin 2026.
Krahas Sylvinhos, kontratën e kanë rinovuar edhe dy asistentët e tij, Pablo Zabaleta dhe Dorival Junior.
Sylvinho erdhi në krye të Shqipërisë në janar të vitit të shkuar dhe menjëherë arriti ta siguroj kualifikimin në Kampionatin Evropian “Gjermania 2024”.
Në njoftimin e FSHF-së, thuhet se arritja e marrëveshjes dhe vazhdimi i projektit me Sylvinhon, tregon vizionin e federatës shqiptare për të ngritur sa më shumë nivelin e kombëtares, ky synimi kryesor është arritja e sukseseve tjera historike në të ardhmen.
“Nën drejtimin e trajnerit Silvinjo, Kombëtarja shqiptare ka treguar progres dhe qëndrueshmëri të jashtëzakonshme. Shqipëria u kualifikua për herë të dytë në histori në një Kampionat Evropian, ku tregoi performancë të denjë dhe bindëse në takimet kualifikuese si edhe u përballë denjësisht me kundërshtarë të nivelit të lartë në ‘Euro 2024’ ndaj Italisë, Kroacisë dhe Spanjës”, ka shkruar FSHF.
Pra, rinovimi i kontratës dhe Sylvinhon dhe stafin e tij, tregon angazhimin e FSHF-së për vazhdimësi dhe stabilitet, ndërsa nis rrugëtimi ambicioz drejt objektivit për një kualifikimin historik në Kupën e Botës 2026.
Kështu që, FSHF-ja nuk ka hezituar të bëjë me dije se tani synimi kryesor do të jetë kualifikimi historik në Kampionatin Botëror të vitit 2026, i cili mbahet në SHBA, Meksikë dhe Kanada.
