Veturat po detyrohen të i lënë larg.
E pjesën tjetër të rrugës po obligohen të kalojnë në këmbë.
Kjo meqë rruga “ Dëshmorët e Kombit” në Dabishec të Prishtinës nuk është e kalueshme për automjete.
E ata që më së shumti po kanë telashe janë vet banoret e kësaj zone.
Neve po na pengon s’di as vet çfarë të them më shumë. Me sen çka ka dhanë Zoti nuk mundesh me dal as me kerr as me xhip as me traktor, as me sen të Zotit. Unë ju tregoj që vet e kam lëshuar Zvicrën veç me ardh me investu qitu diçka. Por që tri vite e lusim Komunën kurgjo s’ka ndërmarr. Pa këtë rrugë nuk del, qe edhe vet po e shihni që me xhip sot këtu nuk del. Tash këtu duhet me marr harxhin sikur para 40 viteve që e kemi marr më e sjell për dimër”, ka thënë Maliq Maliqi.
E përveç gjerave ushqimorë, ky banor edhe materialin për ndërtimin e shtëpisë është detyruar ta bartë.
“Vështirësi ka mjaftë se me kanë rruga e me u shtrua na i kesh qel sytë, kishim jetu diqysh. E barti materialin e veturën është dashur me e lënë poshtë, e nga lartë me bartë materialin”, shprehet Sabri Imeri.
Imeri, madje ka një kërkesë drejtuar Komunës së Prishtinës.
“Me na e ndreq këtë rrugë, mas pakti në zhavorr me e shtura me e zgjeruar nga pak, kërkush nuk e pengon se lloç gropa. Ne kur bien shi bor vet i hapim kanalet se moti ish shkatërrua kjo qe 10 vjet gati”, thotë ai.
Edhe Fehmi Kaleviqin, disa herë i është drejtuar komunës me të njëtën kërkesë.
“Unë çdo dy javë, çdo muaj në Komunë shkoj premtime kam boll, por puna nuk kryhet. Unë prej 2015 i bëjë kërkesat në Komunë në 2018 kanë intervenuar e kanë shtuar këtë shtresë e prej asaj dite më nuk kanë dal me na vizituar”, shprehet ky banor.
Ka edhe nga ata që si shkak i kushteve jo të mira infrastrukturore janë detyruar t’i braktisin shtëpitë e tyre në fshat.
“Kurrqysh ajri i pastër kapak bahçe pak sa për vete. Çka me lyp në shehër tym ajri katastrofë ma sidomos për neve të moshuarve ajri në Prishtinë është katastrofë. Me kanë asfalt kurrë nuk kisha lëviz prej këtu, çdonjëri jo veç unë, çdonjëri nuk kish lëviz më sidomos koha jem”, thotë Vesel Mehmeti.
Kurse nga Komuna e Prishtinës treguan se kur pritet që të intervenohet në këtë fshat.
“Meqë jemi në sezonin e dimrit, sa i përket nisjes së punimeve koha e pranverës është ideale; dhe shpejt gjatë muajit mars pritet të ndërhyhet në atë pjese apo rrugë të fshatit Dabishec te Prishtinës”, ka thënë Donat Lushaku, zëdhënës i Komunës së Prishtinës.
Lushaku madje tregoi se në fund të vitit të kaluar Komuna ka nënshkruar kontratë të ndarë në 6 llote, rrjedhimisht në 6 zona të qytetit, ku një prej tyre është e dedikuar 100% për fshatrat e kryeqytetit.
