“Nga sot, Allianz Arena ka një adresë të re dhe një pjesë të madhe historie”: kështu njoftoi Bayern Munich, përmes kanaleve të saj në mediat sociale, ndryshimin e emrit të ndërtesës, ku ndodhet skuadra e Vincent Kompanyt.
Stadiumi tani ndodhet në rrugën “Franz-Beckenbauer-Plats 5”, në kujtim të legjendës së klubit. Ish-fituesi i “Topit të Artë” ndërroi jetë në janar të vitit të kaluar.
Duhet theksuar se numri 5 përputhet me numrin e tij historik të fanellës si lojtar. “Një shenjë mirënjohjeje të thellë që e mban gjallë trashëgiminë e Franz Beckenbauer për brezat e ardhshëm”, shkruhet në të.
Vetëm pak muaj pas vdekjes së tij, klubi njoftoi se ‘Der Kaiser’ do të kishte një statujë, së bashku me atë të ish-sulmuesit Gerd Müller. Ai është përjetësuar përpara stadiumit të Bayernit. Statuja e Beckenbauer pritet të përfundojë këtë vjeshtë.
