Franca ka reaguar pas lirimit të tre policëve të Kosovës të kidnapuar nga autoritete serbe.
Ministria e Jashtme e këtij vendi ka thënë përmes një komunikate se e mirëpret lirimin e policëve.
“Franca mirëpret lirimin e tre policëve kosovarë pas vendimit të gjykatës në Kraljevë (Serbi). Ky është një hap i parë i rëndësishëm drejt uljes së tensioneve ndërmjet Kosovës dhe Serbisë”, thuhet në reagimin e këtij vendi.
Tutje Franca deklaron se është më thelbësore se kurrë që Kosova dhe Prishtina të kthehen në dialog.
“I bëjmë thirrje edhe autoriteteve të Kosovës që të angazhohen pa vonesë në këtë perspektivë, sipas parametrave për daljen nga kriza të vendosura nga Bashkimi Evropian, të cilat mbeten të vlefshme. Është më thelbësore se kurrë që Prishtina dhe Beogradi të tregojnë përgjegjësi duke u rikthyer në tryezën e bisedimeve të lehtësuar nga Bashkimi Evropian”, thuhet tutje, transmeton teve1.info.