Selektori i Francës, Didier Deschamps nuk do të mund të llogarisë në shërbimet e sulmuesit të Interit, Marcus Thuram, për dy ndeshjet e këtij muaji.
Të martën është raportuar se Thuram ka lënduar kyçin e këmbës dhe do të rikthehet tek Interi për të vazhduar testet mjekësore.
Thuram është lojtar i rëndësishëm te Franca dhe ishte ftuar për dy ndeshjet e këtij muaji kundër Kroacisë, të vlefshme për çerekfinalen e Ligës së Kombeve.
Të enjten, Franca përballet në Split me Kroacinë kurse më 23 mars do të luhet ndeshja e kthimit në Paris.
Thuram këtë sezon ka shënuar 16 gola në 38 paraqitje për skuadrën e Interit në të gjitha garat.
