Ministria për Evropë dhe Punë të Jashtme e Francës, ka kërkuar sot pezullimin e menjëhershëm të rregullores të Bankës Qendrore të Kosovës (BQK) për largimin e dinarit serb nga tregu kosovar.
Sipas tyre, ky vendim i marrë në “mënyrë të nxituar dhe të pakonkuruar, do të ketë pasoja në jetën e përditshme të komunitetit serb në Kosovë, e cila në masë të madhe varet nga pagesat e bëra në dinarë serb nga Serbia”.
“Franca shprehet e shqetësuar nga hyrja në fuqi e vendimit të Bankës Qendrore të Kosovës që autorizon vetëm euron për transaksione me para të gatshme në territorin e Kosovës.
Ky vendim i marrë në mënyrë të nxituar dhe të pakonkuruar, do të ketë pasoja në jetën e përditshme të komunitetit serb në Kosovë, e cila në masë të madhe varet nga pagesat e bëra në dinarë serb nga Serbia.
Në mungesë të zgjidhjeve alternative deri më sot, Franca kërkon pezullimin e menjëhershëm të kësaj mase për të siguruar një periudhë të mjaftueshme tranzicioni. U bëjmë thirrje autoriteteve kosovare që të gjejnë një zgjidhje të negociuar në kuadër të dialogut të lehtësuar nga Bashkimi Evropian”, thuhet nw reagim.
Vendimi i BQK-së për dinarin, Kurti: Kushtetutshmëria, ligjshmëria, vendimmarrja nuk negociohet
