Ministri i Jashtëm francez sërish ka përsëritur vendosmërinë e tyre për të njohur shtetin e Palestinës “ në një lëvizje kolektive”, duke thënë se asgjë “nuk duhet të na bëj të harrojmë” atë që po ndodh në Gaza.
Jean-Noel Barrot, duke folur para gazetarëve përpara takimit të këshillit të Punëve të Jashtme në Bruksel, përsëriti thirrjen e vendit për hyrjen e menjëherëshme të ndihmës humanitare në Gaza dhe lirimin e pengjeve nga Hamasi.
Duke vënë në dukje se ministrat e jashtëm të shteteve anëtare të BE-së do të diskutojnë Marrëveshjen e Asociimit midis Izraelit dhe bllokut, ai vuri në dukje se raporti i BE-së tregoi indikacione se Izraeli do të shkelte detyrimet e tij për të drejtat e njeriut sipas Nenit 2 të Marrëveshjes së Asociimit BE-Izrael.
“Ne mbetemi të vendosur ta njohim shtetin e Palestinës në një lëvizje kolektive që përfshin të gjitha palët e interesuara dhe që synon të bëjë të mundur një zgjidhje politike për konfliktin izraelito-palestinez”, vuri në dukje ai.
Ndërkohë, duke folur gjithashtu me gazetarët përpara takimit, Ministri i Jashtëm spanjoll Jose Manuel Albares bëri thirrje për pezullimin e Marrëveshjes së Asociimit BE-Izrael, raporton Anadoly.
I kryesuar nga shefja e politikës së jashtme të bllokut, Kaja Kallas, këshilli i punëve të jashtme pritet të diskutojë luftën Rusi-Ukrainë, Kinën dhe situatën në Lindjen e Mesme.
