Në një intervistë ekskluzive për Tëvë1, Profesori nga Oxford University, James Ker-Lindsay e thekson nevojën për një epilog sa më të shpejt mes dy shteteve.
“Ka kaluar me shumë se një dekade bisedime mes Kosovës dhe Serbisë, dhe qytetarët akoma nuk parë rezultate të rëndësishme. Çfarëdo marrëveshje e arritur mes Kosovë dhe Serbisë, pa njohje reciproke nuk do të kishte asnjë kuptim. Një gjë mund ta them se mungesa e dialogut me shumë i shkon përshtati Serbisë sesa Kosovës, sepse është Rusia që përfiton në këso momente, kjo e fundit po e mban peng Serbinë”, tha ai.
Sipas Ker Lindsay Kosova është para dy zgjedhjeve, ose shkëmbimi i territoreve ose formimi asociacionit të komunave me shumicë serbe.
Ai thotë se Kosova duhet të jetë e guximshme që ta përfundoi këtë marrëveshje, sepse është duke vuajtur nga ky proces.
“Unë e kuptoj që shkëmbimi i territoreve është një ide kontraverse, por duhet të konsiderohet. Nëse jo shkëmbimi i territoreve, atëherë alternativë ne tavolinë është formimi i asociacionit. Nuk e kuptoi pse ka kaq shumë hezitime për formimin e asociacionit. Kosova duhet ta kuptoi se formimi i asociacionit nuk nënkupton bosnjëzimin e vendit. Askush nuk e ka thënë se do të formohet një Republika Srpska brenda Kosovës. Kosova duhet te ulet në tavolinë dhe të arrij një marrëveshje, sepse nuk do ta ketë gjithmonë këtë mbështetje”, shtoi ai.
Ndërsa sipas profesorit, një problem tjetër i madh që ka komplikuar edhe më shumë raportet mes Kosovës dhe Serbisë, është ish i dërguari special i Kombeve të Bashkuara për Kosovën, Mahti Ahtisaari.
Mënyra se si ai ka ndërmjetësuar në mes të dyja vendeve nuk e ka zgjidhur problemin, e veçanërisht i ka shkaktuar dëme të mëdha Kosovës.
Raporti i gazetarit Shpat Blakçori.
