Shqipëria zhvillon të enjten mbrëma një ndeshje shumë të rëndësishme ndaj Andorrës, e vlefshme për kualifikueset e Kupës së Botës 2026.
Skuadra e drejtuar nga trajneri Sylvinho ka zhvilluar stërvitjen e fundit dhe është gati për ndeshjen vendimtare.
Në formacionin titullar, pritet të mos ketë ndryshime të mëdha në krahasim me ndeshjet e fundit.
Në portë do të jetë portieri Thomas Strakosha, ndërsa mbrojtja do të përbëhet nga Elseid Hysaj në krahun e djathtë, pastaj Berat Gjimshiti e Arlind Ajeti në qendër dhe Mario Mitaj në të majtë.
Në mesfushë pritet treshja Kristjan Asllani, Juljan Shehu dhe Medon Berisha apo Qazim Laçi, ndërsa sulmi do të përbëhet nga Armando Broja, Rey Manaj dhe njëri mes Mytro Uzunit apo Arbër Hoxhës.
