Kombëtarja e Kosovës në futboll është një hap larg promovimit në Ligën B të Ligës së Kombeve.
Pas fitores 2:1 në ndeshjen e parë të play-offit të kësaj gare që u luajt në Prishtinë, Kosova dhe Islanda do të përballen sot në Murcia të Spanjës prej orës 18:00 në duelin e kthimit.
Në këtë ndeshje, Kosova ka mungesa pasi shkaku i lëndimeve mungojnë Arijanet Muriq e Donat Rrudhani derisa Valon Berisha është i suspenduar.
Megjithatë, kjo mund të jetë 11-shja e selektorit Franco Foda për ndeshjen e kthimit ndaj Islandës.
Në portë, pritet të jetë Visar Bekaj kurse mbrojtja do të përbëhet nga Mërgim Vojvoda e Leart Paqarada në krah derisa në qendër do të jenë Amir Rrahmani e Lumbardh Dellova.
Para mbrojtjes do të vendosen Elvis Rexhbeçaj e Vesel Demaku kurse më përpara do të jenë Florent Muslija, pastaj Ermal Krasniqi e Milot Rashica në krah, ndërsa në sulm do të jetë i vetëm Vedat Muriqi.
