Me një “mirëdita” ka nisur konferencën për shtyp selektori i Kosovës, Franco Foda.
Ai ka thënë se në stërvitjen e parë do të jenë 17 lojtarë.
“Mirëdita. Shpresoj që të gjithë jeni mirë. Është takimi ynë i parë.Gjatë javëve të kaluar unë dhe trajnerët kemi udhëtuar shumë. Kemi shiquar lojtarë dhe jemi njoftuar rreth lojërave të ndryshme. Jam takuar personalisht me lojtarët, me Amir Rrahmanin e Vedat Muriqin. Kemi pasur shumë biseda të mira. Kemi kënaqësi të fillojmë të punojmë me lojtarët dhe të përgatisim ndeshjen në Armeni. Sot ende nuk janë preznet gjithë lojtarët, por sot gjatë ditës do të jenë të gjithë. 17 lojtarë do të jenë në stërvitje dhe do të kemi takimin e parë me ta. Gjithë lojtarët janë të gatshëm për lojë dhe janë në dispozicion”, ka thënë Foda.
Selektori i ri i Kombëtares së Kosovës, Franco Foda, e ka mbajtur sot konferencën e parë për shtyp para ndeshjeve miqësore të marsit, kundër Armenisë dhe ndaj Rumanisë.
Trajneri gjerman zbuloi se në javët e fundit ka bërë shumë udhëtime për t’i përcjellë nga afër lojtarët, ndërsa tregoi se është takuar me disa prej tyre.
Ai foli edhe për stërvitjen e sotme, respektivisht për grumbullimin e parë të “Dardanëve” në vitin 2024.
