Fondi Monetar Ndërkombëtar (FMN) e ka hequr Kosovën nga lista e Shteteve në Situata të Brishtësisë dhe Konfliktit (FCS/FCV), pas Bankës Botërore (BB).
Banka Qendrore e Kosovës (BQK) ka reaguar pas këtij vendimi FMN-së, duke shprehur mirënjohje për këtë njohje siç thuhet “të rëndësishme të progresit institucional dhe qëndrueshmërisë makro-financiare të Kosovës”.
“Prandaj, FMN-ja po rrit angazhimin e saj me shtetet e brishta, duke përfshirë edhe përfundimin e Strategjisë së saj të parë FCS. Kjo Strategji synon të ofrojë mbështetje të fuqishme, të përshtatur mirë dhe afatgjatë për të ndihmuar këto vende të cenueshme të arrijnë stabilitet makroekonomik, të forcojnë qëndrueshmërinë, të promovojnë rritje të qëndrueshme dhe gjithëpërfshirëse dhe të dalin nga brishtësia. Ndërsa Strategjia është përqendruar kryesisht në SFC-në, ajo është gjithashtu e rëndësishme për vendet në rrezik të bëhen të brishta dhe të prekura nga konflikti – qoftë për shkak të faktorëve të brendshëm apo goditjeve dhe pasojave të jashtme”, thuhet në njoftimin e FMN-së.
Ndërsa, një javë më parë, edhe Banka Botërore ka marrë një vendim për ta hequr Kosovën nga lista e Vendeve me Situata të Brishtësisë dhe Konfliktit. Këtë vendim, Banka Qendrore e Republikës së Kosovës (BQK) e mirëpret për ta hequr zyrtarisht Kosovën nga Lista e Vendeve me Situata të Brishtësisë dhe Konfliktit (Fragile and Conflict-Affected Situations – FCS), e njohur ndryshe edhe si Lista FCV (Fragile and Conflict-Affected Countries).
