Autor: Arton Rama
Ai arriti ta zë këtë pozitë pasi vendit e liruan dy kandidatë të cilët kishin arritur t’i siguronin votat.
Në një bisedë për tëvë1, Korab Rashiti, tregoi se vjen nga Komuna e Vitisë, por që ka lindur në Zvicër.
“Në Kosovë mund të thuhet se vij nga komuna e Vitisë, nga fshati Sllatinë e poshtme. Unë kam lindur në Zvicër në vitin 1986 në Morges në kantonin Vaud”, tha Rashiti.
Ai foli edhe për shkollimin e tij dhe rrugëtimin deri në këtë sukses.
“Trajnimi im është në këto fusha: ekonomi, menaxhim biznesi. Duke qenë i rrethuar, për mendimin tim, nga më të mirët në fushën ekonomike, ku jam edhe anëtar i Institutit Mises, idetë e mia liberale për një shoqëri bashkëpunimi të lirë dhe vullnetar dhe ku aparatet shtetërore duhet të reduktohen në minimum. për të mos deformuar demokracinë më të madhe: Unë flas mirë këtu “për tregun e lirë” dhe që i jep pushtet çdo individi”, shtoi ai.
Ai premtoi se do të jetë një urë lidhëse për bashkëpunim më të madh mes Kosovës dhe Zvicrës.
“Komuniteti shqiptar tashmë ka disa gjenerata këtu. Për mua dua të ndërtoj një urë solide në beton të fortë ndërmjet Kantonit të Bernës dhe Kosovës kryesisht në bashkëpunim ekonomik. Unë do të doja të ngrija një grup parlamentar nga kantoni i Bernës posaçërisht për këtë marrëdhënie. Do të dëshiroja gjithashtu të forcoj pjesëmarrjen e komunitetit shqiptar në funksionimin e institucioneve kantonale dhe kombëtare në Zvicër dhe për rrjedhojë të bëhem aktor dhe jo spektator. Unë do të jem flamurtari, të cilin Zvicra ka gjithçka për t’i ofruar komunitetit shqiptar, nëse atashimi është i vërtetë. Partia ime SVP/UDC demonstron këtu një përparim dhe perceptimin e komunitetit tonë në Zvicër”, tha Rashiti.
“Në fakt, unë jam në një farë mënyre një rimishërim i ideve që e bënë Zvicrën kaq të suksesshme. Decentralizim, pak taksa, pak ligje dhe lërini individët të kenë iniciativa dhe bashkëpunim social. Në një botë ku shtetet po forcohen kudo dhe krizat grumbullohen, unë kam demonstruar metodikisht se përgjigja ndaj sfidave nuk është një shtet i fortë (një shtet i fortë supozon: rritjen e porezit, taksave, ligjit (kufizimet dhe avantazhet e grupeve të caktuara në dëm të të tjera) etj.”, tha ndër të tjera.
Kosovari tha se do të jetë përfaqësues i shtresës së mesme në kantonin e Bernës dhe se do të mundohet ta kryej punën ne nder dhe përgjegjësi.
“Si përfundim, mund të them se mendimet e mia politike i drejtohen një elektorati të shtresës së mesme në kantonin e Bernës, i cili sheh vit pas viti një ulje të fuqisë blerëse nëpërmjet rritjes së taksave.
Në fund, Korab Rashiti theksoi se është shumë entuziast ta përfaqësojë partinë e tij (Unioni Demokratik i Qendrës)./teve1.info/
