E pavarësia e Shqipërisë u festua edhe në Preshevë. Në institucionet ku udhëheqin shqiptarët, Preshevë dhe Bujanoc u vendos flamuri kuq e zi nga liderët. Sipas tyre, shqiptarët kanë arsye për të festuar edhe pse janë të diskriminuar nga shteti i Serbisë. Për vendosjen e simbolit shqiptarë ata edhe dënohen nga 500 deri në 1000 euro.
Për nder të 112-të vjetorit të Pavarësisë së Shqipërisë, po vendos flamurin kuq e zi.
E me buzëqeshje në fytyrë, kryetari i Këshillit Kombëtar Shqiptar, Nevzad Lutfiu po ua uron 28 nëntorin shqiptarëve që jetojnë në Serbi.
E këtë të enjte, simbolin e Shqipërisë po e mbanë edhe në trup.
Pavarësisht se mund të dënohet për vendosjen e tij, kryetari i Këshillit Kombëtar shqiptar, Nevzad Lutfiu thotë se kjo nuk e ndalon të bëjë një veprim të tillë.
E flamuri kuq e zi u vendos edhe në objektin e Komunës së Preshevës.
E para e Preshevës, Ardita Sinani ka thënë se edhe ky nëntor i ka zënë shqiptarët të diskriminuar nga shteti i Serbisë.
Flamuri i Shqipërisë valëvitej edhe në komunën e Bujanocit, të cilin e vendosi kryetari i kësaj komune, Arbër Pajaziti.
Sa herë që liderët e shqiptarë vendosin Flamurin Kombëtar Shqiptar në objektet e institucioneve që drejtojnë dënohen nga shteti i Serbisë.
Dënimi shkon edhe për institucionin edhe për personin që vendosë flamurin.
