Dy persona në Mitrovicë janë arrestuar të shtunën, pasi dyshohet se pas një mosmarrëveshjeje lidhur me një vendparkim janë fjalosur mes vete.
Në raportin e Policisë thuhet se, njëri nga të dyshuarit ka kanosur personin tjetër, ndërsa tjetri kishte marrë një pistoletë nga vetura e tij, megjithëse nuk e ka përdorur atë.
Njësiti policor i ka konfiskuar një pistoletë me 21 fishekë njërit prej të dyshuarve, ndërsa pas intervistimit, me vendim të prokurorit, të dy janë dërguar në mbajtje.
“Janë arrestuar dy të dyshuar m/k të cilët për shkak të një mosmarrëveshje në lidhje me një parking janë zënë në mes veti ku njëri i dyshuar e ka kanosur tjetrin, kurse tjetri nga vetura e tij kishte marr një pistoletë dhe futë në xhep por nuk e ka përdorur. Njësiti policor nga i dyshuari ka konfiskuar një pistoletë me 21 fishek. Dy të dyshuarit pas intervistimit me vendim të prokurorit janë dërguar në mbajtje”, thuhet në raportin e PK-së./teve1.info/
