Koreja e Jugut me një përmbysje në minutat e fundit ndaj Portugalisë, arriti biletën kualifikuese për fazën tjetër, teksa eliminoi edhe Uruguain pavarësisht fitores 2:0 ndaj Ganës.
Aziatikët fituan 2:1 ndaj luzitanëve dhe kaluan tutje falë gol diferencës ndaj uruguaianëve. Ishte Ricardo Horta që realizoi dhe i dha fillimisht epërsinë të përzgjedhurve të Fernando Santos.
Por, Koreja arritën të barazojnë shifrat. Në minutën e 27` ishte Young-Gown që shënoi dhe çoi rezultatin në 1:1.
Portugalia ishte me konkret edhe në pjesën e dytë, por koreanët arritën të përmbysin gjithçka në minuta shtesë, pas një kundërsulmi shënoi Hee-chan.
Më këtë fitore Koreja e Jugut shkon tutje nga pozita e dytë, Portugalia në vendin e parë.
Ndërkaq dëshpëruese ishte triumfi i Uruguait, derisa fituan 2:0 ndaj Ganës por që u eliminuan nga Botërori. Ganezët kishin mundësinë të kalojnë në epërsi, pasi u akordua penallti për ata.
Në minutën e 21` ishte Ayew që nuk u tregua i saktë nga pika e bardhë. Por, uruguaianët arritën të realizojnë dy herë brenda pak minutash. Në të 26` dhe 32` ishte de Arrascaeta që realizoi të dy golat.
Më pas ata kërkonin golin e tretë, por nuk e arritën. Federico Valverde, Darwin Nunez dhe Luis Suarez kishin mundësi të mira shënimi, por jo edhe gola. Kështu Uruguai përshëndetet nga Botërori së bashku me Ganën.