Kandidati për deputet nga Lëvizja Vetëvendosjes, Fitim Haziri, është vlerësuar për punën që ka bërë në legjislaturën e fundit.
Duke folur për punën dhe angazhimin që kanë bërë deputetët, analistët në emisionin “Këndi i Debatit” në Tëvë1, kanë vlerësuar se Haziri ka qenë në mesin e deputetëve që edhe pse jo shumë i pranishëm në media ka punuar në relatimin e premtimeve që ka dhënë për komunën e tij, Podujevën.
Analisti, Xhevdet Pozhari, ka thënë Haziri në një tubim para votuesve të tij tregojë se për Komunën e Podujevës bashkë me kryetarin e kësaj komune, Shpejtim Bulliqi kanë realizuar premtimet e dhëna siç ka qenë ndërtimi i objektit të Emergjencës dhe Stacioni i Autobusëve janë realizuar.
“Është në deputet që është modest, angazhohet në teren edhe për lokacionin nga vjen, profesionistë me integritet dhe bënë maksimumin për qytetarët”, tha Pozhari.
Edh gazetari Shkelzen Dakaj, tha se Fitim Haziri është njëri nga deputetët që ka bërë angazhim dhe se të tillë ka edhe në listat e partive tjera.
“Po nisim me rastin konkret, Fitim Hazirin, edhe unë jam duke e përcjellë dhe jo vetëm ky, po ka në të gjitha listat deputet që na duhet me ju bë thirrje qytetarëve që më pas kujdesin më të madh kënd po e votojnë. Për mendimin tim, më i mirë është një deputet që sot mundet mu anagazhuar për një çerdhe, emergjencë ose gjëra të tilla”, tha Dakaj.
Fitim Haziri ka qenë deputet në dy legjislatura të Kuvendit. Ai në zgjedhjet e fundit kishte marrë 15 mijë e 960 vota.
Edhe në këto zgjedhje ai është në listën e Vetëvendosjes për deputet.
