Sulmuesi Fisnik Asllani ka gjasa të mëdha që gjatë kësaj vere të transferohet te Lille, ekip për të cilin luan Edon Zhegrova.
Mediumet franceze kanë njoftuar se Lille ka shprehur interesim për shërbimet e Asllanit, të cilin po e sheh si zëvendësim për kanadezin Jonathan David.
Asllani 22-vjeçar është një nga sulmuesit më të mirë në Bundesligën 2 kurse këtë sezon ka shënuar 17 gola dhe ka bërë 6 asistime në 30 ndeshje.
Ai është i huazuar tek Elversbergu nga skuadra e Hoffenheimit, ndërsa kartoni i tij vlerësohet rreth 8 milionë euro.
Krahas Lillet, interesim për Asllanin kanë shfaqur edhe Fenerbahçe, Anderlechti e Sportingu i Lisbonës.
