“Final 4” i Ligës Unike për basketbolliste, do të mbahet në Prizren ku edhe do të shpallet skuadra kampione e këtij sezoni në palestrën “Sezai Surroi”.
Në “Final 4”, do të paraqiten katër skuadra, dy nga Kosova, Peja 03 e Bashkimi, si dhe dy nga Shqipëria, Flamurtari e Tirana.
Ndeshjet gjysmëfinale, do të zhvillohen të martën, ku edhe do të përcaktohen skuadrat finaliste që do të përballen në finalen e madhe të mërkurën prej orës 19:30.
Në gjysmëfinalen e parë, do të përballen Peja 03 – Tirana nga ora 17:00 kurse gjysmëfinalja e dytë, do të jetë ajo ndërmjet Bashkimit dhe Flamurtarit që nis në orën 19:30.
Në pjesën e rregullt të këtij sezoni, Peja 03 dhe Bashkimi kanë dominuar në Ligën Unike, duke përfunduar në dy pozitat e para.
Këto dy skuadra, pritet të përballen në finale të Ligës Unike pas finaleve të këtij sezoni në Kupën dhe Superkupën e Kosovës.
