Ministria e Kulturës ka njoftuar se në Kino Armata në Prishtinë, është shfaqur filmi dokumentar “Rikard”.
Sipas njoftimit, filmi i është kushtuar jetës dhe veprës së njërit prej artistëve më të mëdhenj shqiptar, Rikard Ljarja.
“Dokumentarin për aktorin, skenaristin dhe regjisorin shkodran Ljarja e ka realizuar regjisori Mevlan Shanaj, i cili ka sjellir para publikut pasionin dhe dashurinë e Rikard Ljarjës për artin, e shprehur kjo në shumë segmente”, thuhet në njoftim.
Derisa në këtë prezantim të dokumentarit morën pjesë personalitete nga jeta politike dhe kulturore, si: kryeministri i Kosovës, Albin Kurti, ministrat Hajrulla Çeku dhe Arbërie Nagavci, ambasadori i Shqipërisë, Petrit Malaj, ambasadorja e Maqedonisë, Shpresa Jusufi, regjisori Mevlan Shanaj, rektori i Universitetit të Arteve në Tiranë, Kastriot Qaushi, e shumë figura tjera.
“Shfaqja e dokumentarit u organizua në bashkëpunim mes Ministrisë së Kulturës, Rinisë dhe Sportit, Ambasadës së Republikës së Shqipërisë në Kosovë dhe Qendrës Kinematografike të Kosovës”, thuhet tutje./teve1.info./
