Qeveria e Kosovës ka marrë vendim për emërimin e Filloreta Gashi-Sadikut, si kryesuese e Bordit të Drejtorëve të Kompanisë Rajonale të Ujësjellësit “Hidromorava” në Gjilan.
Gjatë mbledhjes së sotme të Qeverisë, kryeministri i vendit, Albin Kurti, tha se kryesuesi aktual, Habil Zeqiri, tani do të caktohet anëtar i këtij bordi, përcjell teve1.info.
“Përzgjedhja e kryesuesit për bordin e ndërmarrjeve publike është kompetencë e Qeverisë, andaj për Bordin e Ndërmarrjes Publike “Hidromorava”, në kuadër të riformativit të bordit si dhe shpërndarjes së përgjegjësive brenda bordit, propozojmë që kryesuese e Bordit të Drejtorëve të Kompanisë Rajonale të Ujësjellësit “Hidromorava”, të caktohet Filloretë Gashi-Sadiku, ndërsa kryesuesi i deritanishëm, të caktohet anëtar i këtij bordi”, deklaroi Kurti gjatë mbledhjes.
Ndërkaq, në vitin paraprak, Qeveria ka emëruar anëtarë të bordit, Fledane Tahiri Sylejmani, Arban Hoxha, Lendita Fazliu dhe Agim Zeka./teve1.info/.
