Drejtori i Byrosë Kosovare të Sigurimit (BKS) Sami Mazreku ka thënë se bashkëatdhetarët mund t’i paguajnë policat ende pa u nisur.
“Qytetarët që dëshirojnë të blejnë policë online, duhet të klikojnë në linkun https:https://api.bks-ks.org/policaonline“, ka thënë Mazreku, bëhet e ditur në njoftimin e publikuar nga BKS-ja.
Sipas Mazrekut qytetarët gjatë blerjes online të policës kufitare duhet të jenë të kujdesshëm me rastin e përzgjedhjes së kategorisë mjeteve të përcaktuara sipas destinimit.
“Në qoftë se kontraktuesi i sigurimit ka bërë me dashje, apo pa kujdesia lajmërimin e pasaktë ose e ka lënë në heshtje ndonjë rrethanë të një karakteri të tillë, sa që siguruesi nuk do të lidhte kontratën po të kishte ditur për gjendjen e vërtetë, kontrata e sigurimit do të jetë e pavlefshme” ka thënë Mazreku.
Ai më tutje ka bërë të ditur se një policë kufitare për të qenë e vlefshme, duhet të figurojë në regjistrin online në faqen zyrtare të Byrosë Kosovare të Sigurimit https://api.bks-ks.org/policaonline sipas të dhënave përmbajtësore të cilat duhet plotësuar me rastin e kontraktimit të policës. /Teve1.info/
