Federata e Futbollit të Kosovës ka bërë të ditur se biletat e ndeshjes mes Kosovës dhe Greqisë mund të blihen online.
FFK-ja ka publikuar linkun përmes së cilit mund të blihen biletat për ndeshjen kualifikuese të Ligës së Kombeve ndërmjet Kosovës dhe Greqisë që zhvillohet të dielën në orën 20:45, në stadiumin “Fadil Vokrri”.
Biletat mund të blihen në këtë link:
https://kosovo.tm.vivaticket.com/biglietteria/pub/buyseats/scegliSettorePub.do?idEvento=1123
Tifozët e Kosovësn “Dardanët” do të jenë të vendosur në tribunën Veri mekëto çmime:
Veri dhe Jug 5 euro, Lindje 10 euro, Perëndim 20 euro dhe VIP 80 euro.
Një person mund të blejë deri në katër bileta.
Për të blerë biletat, fillimisht ju duhet të regjistroheni në platformë. Më pas do t’u duhet të zgjidhni tribunën e stadiumit dhe më pas ulësen që preferoni. Pasi t’i keni zgjedhur biletat, vazhdoni me pagesën online.
Komisioni i bankës është 0.35 euro për gjithë porosinë. Pasi përfundimit të blerjes online, ju duhet të prisni deri në gjenerimin e biletës dhe faturë tuaj.
Biletën do ta pranoni gjithashtu në email (kontrolloni edhe folderin SPAM gjithashtu). Bileta patjetër duhet të jetë e printuar në formatin A4, printimi duhet të jetë i kualitetit të lartë. Biletat janë të personalizuara dhe në stadium me një biletë mund të hyjë vetëm një person, pavarësisht moshës.
