Ka filluar seanca për hedhjen e gazit lotsjellës në Kuvendin e Kosovës, ndaj ministrit të Punëve të Brendshme, Xhelal Sveçla, dhe deputetëve të Lëvizjes Vetëvendosje, Salih Zybës, Fitore Pacollit dhe Drita Millakut.
Të njëjtit po akuzohen se më 21 mars 2018, kanë ndezur bombola të gazit lotsjellës, të cilat i kishin hedhur brenda Kuvendit, ku si rrjedhojë e kësaj deputetët ishin detyruar ta lironin sallën.
Megjithatë, prezentë në seancë s’është deputetja Drita Millaku, për shkak të përkeqësimit të gjendjes shëndetësore.
Sveçla dhe deputetët e VV-së akuzohen se në mars të 2018-s me hedhjen e gazit lotsjellës kanë kryer veprën penale të “përdorimit të armës ose mjetit të rrezikshëm” dhe “pengimit të personave zyrtarë në kryerjen e detyrave zyrtare”.
Prokuroria Themelore kishte ngritur aktakuzën në Prishtinë më 29 korrik 2019.
Hedhja e gazit lotsjellës, kualifikohet si përdorim i armës apo i mjetit të rrezikshëm, dënueshmëria e të cilit është nga 1 deri në 8 vjet burgim./teve1.info/.
